菊梓喬(Hana)獲電台邀請訪問，並為在年底舉行的《新城勁爆頒獎禮2020》拉票。訪問當日正是Hana個人專輯《不能放手》正式面世，Hana說：「我自己都未見過呢隻專輯，造型照入面有包含好多花嘅元素，不過自己對花其實無乜感覺，反而對花語背後嘅意思更加著迷。」
新專輯特意到韓國取景，邀請當地攝影師及化妝師合作，拍攝過程令Hana感覺新鮮：「韓國化妝師鍾意用『裸妝』嘅化妝技巧，感覺好自然，拍攝嘅隊伍亦都唔鍾意用外來嘅打燈，所以拍攝嘅過程，要響凌晨4點開始準備，捉緊有日光嘅時間，我足足玩咗十幾套衫。」Hana 新碟歌曲大部份與感情有關，上榜歌曲《我喜歡說謊》是Hana自己的親身經歷：「曾經遇過『渣男』，明知佢對我做出一啲背叛嘅行為，但仍然堅持扮唔知道，希望有一日佢會回心轉意，最後發現其實自己好傻。」