【阿太ready？】小鮮肉竹內涼真「露少少」寫真集

雖然25歲，不過好有「小鮮肉」味道，日本近年冒起得最快嘅男星竹內涼真，7月12日將會推出寫真集《Ryoma Takeuchi》。今年3月去咗柬埔寨取景，涼真話3日影咗4萬張相，揀相都揀到頭痛。《Ryoma Takeuchi》寫真集內嘅涼真穿上便服又穿上西裝，全部都係「露少少」俾你睇。竹內涼真喺上年推出嘅寫真集《1mm》銷量達8萬本，以男藝人寫真集嚟講，銷量算好勁，唔怪得可成為Oricon年度男性寫真集銷量冠軍。涼真fans大部份係「阿太」，消費力勁人，預期呢本寫真集又可以破銷量紀錄。