XiX 宣布將於 7 月首次舉行個唱。
組合 XiX 宣布將於 7 月 18 日，於西九文化區 Backyard @ AXA WONDERLAND 首次舉行個唱《Backyard Live: XiX 「微笑擊敗全世界」》！門票已經開賣，價格分別為普通380元企位，$888VIP坐位更尊享親筆簽名紀念票根、演唱會主題 Tee、特製手燈、1v4 合照福利。
為籌備是次演唱會，眾成員表現得非常興奮，Crystal更笑言「絕食」上陣：「今次係我哋 XiX 第一次搞騷，所以大家都緊張到『爆炸』，我最擔心到時啲衫會點、會唱咩歌等等。為咗保持完美聲線，依家開始要戒零食，務求到時以最佳狀態見大家！」而另一成員Charlotte就話為咗呢次演唱會，搏命練習：「因為我擔心現場會緊張到腦海一片空白，所以要搏命練習希望上到台所有野都可以順順利利，總之所有影響演唱會表現嘅因素，我都會超級小心準備！」
XiX表示依家開始要戒零食，務求到時以最佳狀態見大家。
Kiele表示唔敢放鬆，要「寫稿」度對白比眾隊員：「因為佢地成日亂講嘢，或者企咗喺度唔知講乜嘢，我真係懷疑當日會發生呢一啲情況，都係寫清楚『對白』比大家，如果唔係真係控制唔到台上會發生咩事！」Caitlin和Kiele都表示忙「撲飛」，未開售已處理票務：「因為 Backyard @ AXA WONDERLAND 係超級近距離嘅場地，加上我哋係組合，內部啲飛都唔夠，我哋問緊有冇方法買多啲，點知經理人叫我哋自己上網搶！」
ADVERTISEMENT
【👇送第6屆工展會購物節電子門票👇】
