康子妮接受鍾慧冰訪問，坦言離婚獨居後曾萌輕生念頭。
康子妮（現名康滎舫）2020年與林曉峰分開後，轉戰保險界躍升年薪百萬女強人，同時繼續音樂工作。近日，她現身鍾慧冰的YouTube頻道《冰姐的花樣人生》，首度敞開心扉，自揭離婚後獨居時，曾因壓力大一度萌輕生念頭，全靠兩名兒子救回；她更大方談及與前夫的關係，澄清兩名兒子海外學費的真實安排，以及透露最新的感情狀況。
絕望一刻靠兒子救命
康子妮憶述，離婚後遇上疫情令演藝工作停頓，保險事業又剛起步，多重壓力下情緒陷進低谷，她自爆：「我住嗰個地方係可以開窗，係可以成個人行到出去個窗出面。有一次我因為一啲事情，因為嗰件事太大，好似佔據晒我人生咁，譬如返工咁，返工遇到唔開心嘅事，我就成個人崩潰，就好似走唔出咁，好似死緊咁，最後係我諗住我兩個仔，我覺得係佢哋救咗我。」她笑言自此物色居所都盡量避開可完全趟開窗的單位。
談及當日結束18年婚姻，康子妮坦言只是彼此路向不再一致，不應以失敗來標籤：「我唔覺得（離婚）係失敗，我覺得每一個人相遇係有緣份，去到某個位，大家要行嘅路唔同，咁就係work唔到，唔work就唔係任何人錯或啱。」她以「林生」、「爸爸」稱呼前夫林曉峰，二人今年更一同飛往海外，見證兩名兒子大學畢業，離異後仍保持家人般的溝通。
康子妮與林曉峰結束18年婚姻，坦言只是彼此路向不再一致，不應以失敗來標籤。
親解數百萬學費傳聞
對於兒子升學使費，她感激前夫付出，直言：「係爸爸（林曉峰）畀嘅。」她透露早已為兒子辦妥加拿大國籍，細仔在多倫多讀音樂，學費只是國際生的三分之一；大仔在日本讀商科，亦主動揀選月租僅三千多港元的宿舍，大幅減輕負擔。她更要求兒子自行搜集升學資料，並向他們表明：「我同佢哋講，所有嘢都係你揀嘅，你要向你自己揀選嘅嘢負責任。」並笑指花費比在港讀國際學校更划算，粉碎外間數百萬學費的傳聞。
回歸單身的日子不短，康子妮被問到感情動向時，暗示身邊不乏談得來的對象：「隨緣啦，我覺得有好傾嘅朋友嘅！」但她補充，人愈大顧慮愈多，要跨出那一步並不容易：「唔係淨係好傾嘅。人越大，其實唔係淨係人哋對你有要求，我自己都對人有要求，我自己對自己又有要求，好鬼死煩㗎。所以，我覺得係難囉。」她又提到，音樂仍是填補心靈的使命，幕前工作帶來的能量反而推動保險業績，讓她越忙越起勁。
康子妮感激前夫林曉峰為兩子供書教學 。