陳凱琳帶三子睇戲被公審。
陳凱琳（Grace) 與鄭嘉穎婚後育有三子，即使工作多忙，她向來照顧兒子都親力親為。近日，她卻因帶同三子到金鐘戲院觀看《蜘蛛俠》，陷入一場「戲院禮儀」羅生門。有同場觀眾在網上發文公審，指三名兒子全程大聲喧嘩，而作為母親的陳凱琳卻毫不制止；但另有目擊者即時反駁，更驚爆散場時疑有人向Grace的小朋友頭部淋Cream。
被狠批唔識教仔
有網民在Threads發文，形容該場下午場次中，三名小朋友「不斷講嘢、大笑大叫、嘈足成場，坐正喺佢哋後面都覺得煩」，即使坐在後方的他多番「殊」示意要求安靜，情況依然未有改善。他更指同行母親全程未有理會，直至「完場戲院開燈先知原來個阿媽係陳凱琳」，狠批對方「身為藝人連基本嘅戲院禮儀都唔識，完全唔尊重電影，好心你唔識教就唔好學人生仔」。
散場突爆淋Cream疑雲
不過，隨即有聲稱是同場目擊者留言為陳凱琳平反，直言小朋友「我都係睇呢一場喎，坐喺陳凱琳後排……完全冇你講得咁誇張喎，反而仲覺得佢哋幾乖」。該目擊者更描述完場時突發狀況，有人疑似將Cream倒在陳凱琳兒子頭上，
對方更指陳凱琳情緒激動，立即要求戲院職員協助追尋涉事女子：「我見到佢無啦啦跑得勁快，衝咗出去搵前排個女人，聽到啲人講，好似話個女人倒咗啲嘢落佢個仔個頭度，勁顛！」事件曝光後，有網民質疑發文公審者可能正是淋Cream當事人，相反，亦有人指目擊者在座位編排上的說法有點矛盾，令人質疑 。而陳凱琳事後曾上載與兒子看電影的限時動態，不過隨後刪除帖文。
