衛詩雅火速飛北京復工嘴唇50針已拆線：一定會留疤

衛詩雅上月底拍攝劇集《狩謊》期間發生意外，她的丈夫周祉安透露愛妻在拍劇途中意外不幸被玻璃碎片割傷左上唇，傷口涉及皮膚及唇紅部位，及致有一條血管斷裂與肌肉撕裂，屬於全層撕裂創傷，需即時接受縫針手術，傷口總共縫合了50多針。

及至昨日（9日），她在IG限時動態分享正在乘車的照片，並留言報告最新情況：「昨日傷口終於拆線啦，醫生話復原情況良好，總算可以放心。好多謝吳醫生一直細心的幫忙，亦都好感謝老公一直為我跟進治療和悉心照顧。希望接落嚟可以繼續順利，早日完全復原。」

其後她透露自己火速投入工作，並飛往北京出席百花頒獎典禮，憑《破•地獄》角逐「最佳女主角」。最新的照片見到衛詩雅的上唇貼有膠布，傷口清晰可見，當她影大頭照時刻意用手或花束遮住。

衛詩雅回覆說：「全面復工，但係傷口未好返晒，因為啱啱拆線，所以呢幾日暫時面頭都唔可以化妝，傷口個位唔化得妝。需要戒口，好多深色嘅嘢盡量唔食。講嘢唔可以太大動作，正常講嘢都可以，但唔可以大笑。」她坦言傷口一定會留疤，但幸好有老公跟進之後的處理。她說：「一定會有少少疤痕，但慢慢會做唔同嘅療程，好彩有我老公可以幫我跟進之後嘅療程。」