古巨基與程人富日前現身匹克球場地，挑戰中國香港匹克球代表隊。
古巨基與程人富日前現身匹克球（Pickleball）場地，挑戰中國香港匹克球代表隊。古sir已秘密練兵幾個月，面對技術比自己高幾十班的港隊球手，古sir揚言：「我哋打Pickleball就唔好怯，怯就輸成世！」原來他暗中出茅招。
以眾敵寡
古巨基與程人富自知「初階」功力未夠，竟出動「人多蝦人少」戰術，帶多八個「影分身」落場，組成「十人軍團」；但港隊只派兩名代表應戰，擺明讓賽。比賽規定古sir一隊每輸一分淘汰一個「分身」，以先取11分為之勝利。港隊先後派出女將及男將，古sir一邊其後愈打愈少人，由十個變五個，再變三個，最後只剩古sir及程人富兩個孤軍作戰。最終，港隊以11:7 輕取古sir的十人軍團。
談賽後感
其實，今次的友誼賽是為即將出戰「Pickleball世界盃」的港隊打氣，港隊將派26位精英球員，下個月會去越南峴港出戰世界盃。而近期愛上Pickleball的古sir，賽後分享感受時仍難掩興奮：「私底下同幾位球員都有一齊玩，不過今次比賽真係好搞笑！雖然我哋出動人多戰術都係輸，但係呢個運動真係好好玩，我呢幾個月都頻頻練波。希望港隊喺嚟緊世界盃拎到好成績，到時大家一齊為佢哋集氣！」古sir笑言雖然今次輸波，但已經燃起了他的運動魂，「有時間一定會勤力練波，希望將來我都可以代表港隊！」
ADVERTISEMENT
