古天樂首次開個唱，完成兩場《MY FIRST SHOW》後心情大紅，完騷受訪時大派心心。(羅錦鴻攝)
古天樂入行以來首次個人演唱會《MY FIRST SHOW》，一連兩連已於紅館圓滿落幕，完騷後的古仔心情非常靚，於後台與兩晚的固定嘉賓包括宣萱、林峯、胡子彤、張繼聰、農夫的陸永等合照，又與幕後團隊以及寰亞老闆林建岳齊齊開香檳慶祝，更應記者要求即興跳《今期流行》拜神舞。兩場演唱會反應熱烈，問到可有計劃巡迴演出時，他笑言只希望盡力做好眼前工作，「呢一刻，我最想係俾我瞓一個下晝，唔使起身，好攰！ending成30分鐘都係跳舞。」
在慶功儀式上，古仔被主持Elsie(呂珮琳)問到完騷感受，他稍作思考，「真心，我諗住開演唱會前會好緊張，原來好冷靜，而家係成身濕晒，有少少虛脫。」他表示答應過大家要做一個做好的演唱會，7月經常開會到凌晨三、四時，自問無經驗，一直疑惑甚麼是最好，只能盡力，問到如今是否已感無悔，他表示，「沒有演唱會係無悔，但一定要相信自己做到；今日全世界面對唔同困難，好好地踏上一步，做好自己應該做嘅事，今次無論點都要做好。」他坦言花了不少時間籌備唱、跳和流程等，出台前完全不緊張，「只係好想去做好一件事，我相信再大嘅困難，我都可以做到，我哋香港人都可以做到，只要有信心一定可以做到。我哋盡力做呢件事，未必會完美，會有漏甩，但我只係想現場每一位觀眾都好睇得好開心，係覺得我哋係值得。」
古仔坦言以往通常做嘉賓，唱完就可安樂睇show，今次為自己的舞台排練，非常享受過程，「我覺得人生，每個人都應該有一個舞台，唔應該去怕，應該去相信，唔應該擔憂，應該去面對，所以都好開心。」在演唱會勁歌熱舞，更跳鋼管舞版《今期流行》，問到是否已跳上癮，他語氣肯定，「跳舞嚟講，我係唔會上癮，你放心。」他自爆開騷前兩個月，每晚跟排舞老師傾到凌晨3、4時，「唔係點跳，而係點做氣氛，我要同現場觀眾有contact好開心，先係最緊要。」
在慶功儀式上，古仔被主持Elsie(呂珮琳)問到完騷感受，他稍作思考，「真心，我諗住開演唱會前會好緊張，原來好冷靜，而家係成身濕晒，有少少虛脫。」他表示答應過大家要做一個做好的演唱會，7月經常開會到凌晨三、四時，自問無經驗，一直疑惑甚麼是最好，只能盡力，問到如今是否已感無悔，他表示，「沒有演唱會係無悔，但一定要相信自己做到；今日全世界面對唔同困難，好好地踏上一步，做好自己應該做嘅事，今次無論點都要做好。」他坦言花了不少時間籌備唱、跳和流程等，出台前完全不緊張，「只係好想去做好一件事，我相信再大嘅困難，我都可以做到，我哋香港人都可以做到，只要有信心一定可以做到。我哋盡力做呢件事，未必會完美，會有漏甩，但我只係想現場每一位觀眾都好睇得好開心，係覺得我哋係值得。」
兩晚演唱會，古仔不僅與舞台前排的觀眾握手和自拍，更不時走進觀眾席，又登上360「Kooloo號」繞場與山頂觀眾近距離互動，「呢個係我第二個要求，呢個演唱會要接觸晒所有觀眾，唔可以只係企喺台上面。因為可能無下次，要盡量最開心，大家接觸最多嘅演唱會。」完成首個紅館show，他感觸道：「人係要努力，相信自己，紅館俾我嘅感覺係好接近大家，要多啲接近大家，聽大家嘅感受、感覺去做一件事，我開公司都係呢種諗法。」他笑言開完第一場已筋疲力盡，只略略看過留言。
兩晚演唱會嘉賓眾多，古仔強調每一位都好重要，他特別提到汪明荃(阿姐)，「阿姐真係好耐無唱《熱咖啡》，我32年前為佢伴舞，估唔到有機會喺紅館開演唱會，可以同佢唱呢首歌好開心，可以講係無憾。」他指提議唱《熱咖啡》，希望作個紀念，而獲阿姐一口答應，「我覺得只有一次機會開演唱會，好想有一個嘉賓，喺我心目中，當年是最好嘅回憶。」阿姐當年台慶穿黑絲襪，在逾30位當紅男藝人伴舞下唱《熱咖啡》，今次擔任古仔演唱會嘉賓，特地穿黑絲襪上陣，「由我喺啟德彩排到紅館，佢都係著好衫好認真，第一晚開騷前，佢好早嚟到，我跟阿媽坐喺度，我、阿姐同我阿媽，足足傾咗半個鐘，因為阿姐係佢偶像。」古媽媽更把握機會成功集郵。他大讚阿姐非常認真，「每次彩排都嚟，每個細節都知，會問會傾，佢真係太好太完美。」
哽咽唱的《風再起時》
在encore時段，古仔看到全場觀眾的熱情，哽咽強忍眼淚，欲言又止，觀眾高呼唔好喊，他感動致謝，「你哋太好，真係好多謝你哋！我竟然去到紅館開演唱會。」他向四面台的觀眾逐一揮手，自言會將畫面記在心裡，最後獻唱張國榮的《風再起時》時，「我好想用一首歌同大家表白我心聲，係哥哥嘅一首歌，多謝大家，多謝哥哥。」獻唱期間數度感觸哽咽。
古仔被問到原因時亦表現感觸，「佢喺我心目中有好重要位置，我揀《風再起時》係唔知有冇機會再開第二次演唱會，可能呢個係暫別，好想唱呢首歌。」其實古仔在360「Koolo號」上，唱了《側面》、《不羈的風》、《想你》和《為你鍾情》4首張國榮的歌曲後，接著又與古巨基合唱哥哥的《當年情》，問到是否因當年哥哥曾點名睇好「雙古」(古天樂和古巨基)有關，他直言，「絕對係，好多謝哥哥當年提過我兩個，亦都想喺個人演唱會，好想致敬哥哥對樂壇和後輩嘅影響力，甚或佢現已不在人世，對我哋嘅期待，我哋點做好，係好緊要。」
劉德華領導演藝圈
至於尾場請來劉德華擔任壓軸嘉賓，兩位不同年代的楊過，自1999年合作拍戲至今，不時相約食飯，古仔視對方為大哥哥，今次開騷亦收到「華哥」的私訊鼓勵，「華哥喺我心目中，好重要嘅位置係佢領導緊成個圈。華哥對後輩、樂壇、成個影壇都係好支持，好感動。」
ADVERTISEMENT
