少爺占、Oscar Lee均穿上恤衫西褲示人，二人笑謂扮演銀行職員，但少爺占稱出來的效果被指似裁縫。對於阿正獲封「廣播道西女人」，少爺占自稱現在是低層，不能跟阿正比較。他說︰「嗱！Oscar先有機會同阿正比拼，香港9成嘅詞都係Oscar填，我絕對不能夠啦！佢係咩比華利山……(記者︰佢叫自己係太子道西女人！)啊！有啲同事去過佢屋企話好靚，但佢無要請我囉！」
Oscar與少爺占不慎爆了鍾雪瑩有6位數的填詞稅收。(娛樂組攝)
少爺占唔敢同阿正比身家
Oscar透露曾去過阿正屋企參觀，「佢屋企幾靚，有次去過佢屋企開聖誕party！」少爺占即謂︰「嗱！佢哋差唔多level，平起平坐先會一齊玩，點會同我玩！」問到二人是否得悉阿正是富婆一名，他們笑言大家報道得太遲，因為在公司一早已是叫阿正做富婆。至於阿正有沒有經常萬歲，少爺占稱曾試過食阿正咖啡店賣剩的 Tiramisu。
由於少爺占過去也有商台隱形富豪之稱，愛投資磚頭，他自言這幾年的樓價令他很傷心，「唉！呢幾年啲樓價，如果夠膽幾個月前買，短炒有得賺，但自己唔夠膽啦依家。啲人話唔好睇個市升定跌，其實要睇自己有幾多錢，夠錢就啱，睇自己財富！」之後續指Oscar收入豐富，Oscar自言沒有置業計劃，首期都俾不起。
少爺占及Oscar指大家在公司也是叫阿正做富婆。(娛樂組攝)
爆鍾雪瑩收6位數版稅
提到少爺占稱其中一首歌的版稅有$0.03，他說︰「係其中一首歌，3個月就收到3仙版稅。我都有問過前輩Oscar係點收，原來佢都唔知。佢係多到唔知，我唔係好多，都有百幾首，3個月只係收5個幾版稅！」在旁的Oscar就表示不相信，指他應該看漏了一些文件，少爺占聞言即問︰「係咩？我開始要肉緊啲！因為開始接近退休年齡，要睇清楚呢啲被動收入。近排都有寫啲，但呢啲係新歌，可能未返！」之後少爺占不停搲撈，盼大家可以多找他填詞，不要讓Oscar獨大。問到他高峰期收到最多的版稅，他表示收過5位數的版稅。
少爺占自爆收到0.03元的版稅。
ADVERTISEMENT
【送置富Malls「裝」可愛摺疊環保袋】
