陳家樂自爆去酒樓唱懷舊金曲騷預告出歌MV都拍埋

陳家樂、伍允龍現身香港區環球小姐賽事並擔任星級評判，而家樂更擔任表演嘉賓，演唱其全新歌曲《我們都是無名氏》，並演繹鄭伊健的作品《心照》。當唱《心照》時，他見到周勵淇在台下，一度走落台拉對方合唱，可惜食檸檬收場。家樂唱live表現不錯，他接受訪問時更透露早前到酒樓唱懷舊金曲。

問到他出席環球小姐，是否代表連詩雅批准他望女仔，陳家洛表示上年也有參與環球小姐，「我有經驗，上年幾成功，今年都係用返同一個方式去交代」。他坦言要上台唱歌很緊張，問到他是否全力進軍樂壇，他說：「其實一路都開始緊，只不過係我唱嘅地方唔係你睇嘅地方，都有去一啲酒樓唱懷舊金曲之夜！我嫲生日，我阿爸就話想搞一個show唱歌俾阿嫲聽，我咪同阿爸夾band搞一個show！（老婆有冇唱？）佢有嚟睇，但冇唱。無謂啦！一個咁好嘅歌手一唱，咪突顯到我⋯⋯唔好攞嚟比較！我同我老竇夾就OK啦！」他透露新歌MV即將會推出，並找來簡君晋執導。

家樂所屬球隊FC3將飛到馬來西亞踢慈善賽，自言沒有信心，因為對家是現役、退役球員，不過他跟隊友都不會放棄。他透露盡量一星期踢一次，現在努力加操。