殿堂級填詞人黎彼得(原名黎成就)今年8月5日離世，享年76歲。家屬已於上月底(31日)低調完成家祭火化後，今午(20日)在將軍澳「仁濟醫院靚次伯紀念中學」為他舉行追思會。黎彼得生前好友鍾志光統籌追思會流程兼擔任主持。鍾志光在悼辭中交代黎彼得最後一段日子的病情，黎彼得的好拍檔許冠傑拍片自彈自唱兩人合作的《這一曲送給您》，他受訪時解釋許冠傑未有到場原因。
鍾志光指黎彼得生前患有糖尿病，腎功能一直欠佳。不過黎彼得向來「為食」，兩人飲茶時叫青菜，都必須要蘸豉油。他透露2025年聖誕節，黎彼得往四會與向雪懷合辦Talk Show，「個show嘅出場設計，係佢坐住輪椅上吊鹽水。後來佢返嚟香港3日，就打電話俾我話咳出血。」於是鍾志光陪同他往仁安醫院求診，由於病情嚴重，需要入住深切治療部。考慮到私家醫院每天費用高達十萬元，院方安排救護車將他轉送威爾斯親王醫院的ICU。他憶述，「佢個腎已經零功能，一個禮拜要洗腎3次。」幸好TVB有位剛退休的攝影同事仗義幫忙，每周3天朝七晚五，親自開車接送他往返醫院洗腎。其間，因黎彼得家居環境欠理想，導演感染腹膜炎，需留院診治。鍾志光在徵得黎彼得同意後，安排他入住老人院，方便照顧。直至今年4月底某夜，在安老院內跌倒，送往瑪嘉烈醫院後，「醫生發現佢全腦幹缺血性中風，佢生命力好強，堅持到8月安詳離世。」
單立文致悼辭時表示，跟黎彼得於2017年因拍《愛回家之開心速遞》認識，大讚Peter毫無架子，作為夾band出身的音樂人，他認為黎彼得最偉大的成就是填詞人，「Peter哥嘅歌詞喺七十、八十年代，隻隻都hit到爆燈，詞鋒銳利，將小巿民嘅心態，一刀見血，幾句就攞你命，嗰時興英文歌，但佢同Sam Hui一詞一曲，將粵語流行曲帶到新境界，多謝晒Peter哥。」他大讚黎彼得寫盡人生百態，社會狀況、愛情小品、鬼馬啜核、勵志正面，係全能嘅填詞人，我覺得香港樂壇欠Peter哥一個好好嘅交代，同埋尊重。」接者他即興與唱樊亦敏和陳浚霆哼唱了幾句《半斤百両》、改詞為多謝Peter哥的《MONICA》、《學生哥》、《杯酒當歌》《錢會繼續嚟》和《浪子心聲》等。
跌倒昏迷4個月
追思會結束後，鍾志光聯同《愛回家》的單立文、羅樂林、樊亦敏、陳浚霆和蘇韻姿受訪，鍾志光表示8月尾開始籌備，感激校方提供場地支援，以及同事義不容辭出席，問到為何昔日好拍檔許冠傑缺席，拍片自彈自唱《這一曲送給您》作悼念，他指Sam Hui在Peter過身後，已發布悼念文章，今日有事無法出席。問到許冠傑在黎彼得入院後，可有親身探望舊拍檔時，鍾志光坦言，「冇！不過我要解釋，Peter出事好突然，佢自從4月入院後，一直迷迷糊糊，我地唔知道應該或唔應該通知邊啲人，如果直接問我，我會同佢哋講，如果冇問或冇聯絡開，我就一個都無講，所以佢契仔Bosco(黃宗澤)，我都無通知。所以都要同Peter講聲唔好意思，所以一個都無講。今日因為Bosco唔喺香港，所以嚟唔到。」
黃霑：被低估的填詞人
單立文大讚黎彼得填詞作品包羅萬有，「唔單止小人物心態，還有情深的，打麻雀都可以寫到一首歌，其實佢用心良苦，深入淺出，希望個個都明白，而且係押韻。」鍾志光不忘補充，「保留咗粵語文化，記得黃霑都講過，黎彼得係一個被低估嘅填詞人，在學術上好有貢獻。」樊亦敏自言在拍《愛回家》前認識Peter，在電影《金玉滿堂》首映禮相識，「我知靚次伯係佢親戚，所以我主動提議車佢返屋企。」兩人自從認識，她直言感到疑惑時都會請教對方，「我都有同佢講，其實我細個俾心機讚書嘅原因之一，就係佢嘅《學生哥》歌詞「學生哥好溫功課」，「好贊同豹哥話樂壇欠Peter哥，甚至係演技都好出彩，演小人物好難。」羅樂林自言跟黎彼得不算相熟，主要拍《愛回家》相處，蘇韻姿指黎彼前很照顧後輩，故拍劇期間不少傾談。郭鋒則是拍HKTV《惡毒老人同盟》認識黎彼得，「發覺佢講嘢，聽起嚟似講笑，其實入心入肺。」他表示拍劇時對方經常帶他嘗美食，不過拍完劇後較少聯絡。
ADVERTISEMENT
【👇送恆香餅家張智霖演唱會伴手禮👇】
