梁詠琪再踏903孖梁文禮做直播 Gigi：叫你呀好多人唔出聲既？

梁詠琪（Gigi）2023年紅館演唱會後，商台主持梁文禮被揭發在私人社交帳戶發文狠批其演出，包括「Flow差、歌編得差、舞差、當然佢唱得差啦」及「一張抹完鼻血嘅紙巾」等，事後梁文禮公開致歉並被停職三個月。事隔三年，Gigi今日（21日）以嘉賓身份現身《叱咤樂壇》宣傳11月的演唱會，網民連日來已熱議梁文禮會否請假避席，結果他未有缺席，但全程與Gigi未有同框，成為節目焦點。

Gigi主動開聲

今日節目直播期間，鏡頭前只見Gigi與主持謝茜嘉對答，梁文禮一直未有現身畫面，網民即不停洗版追問「梁文禮喺邊？」，Gigi見状即說：「喂你講句嘢啦，叫你呀好多人！唔出聲既你真係！」身處在直播室Panel的梁文禮聞言笑了幾聲，隨後詢問新碟問題。接著，謝茜嘉又問梁文禮聽完新歌感受，他稱：「感動嘅，可能要細lun吓當中嘅歌詞……」不過，整整一小時節目中，大部份時間謝茜嘉與Gigi互動為主，雖然梁文禮與Gigi交流不多，但Gigi主動開聲打破沉默，相信二人已成功破冰。