趙浚承在《三代同糖》的表現不俗。（娛樂組攝）
趙浚承出席《愛‧回家之三代同糖》宣傳活動，在戲中扮演「楊帆」的他跟吳若希有最多對手戲。他表示跟吳若希相處很融洽，早前自己生日，對方更拉大隊搞飯局和他慶生，感到非常開心。談到中秋節會否抽到時間跟家人過，他感慨表示太太跟小朋友都在北京，自己也很久沒有跟老婆拖手仔去睇戲。他說：「佢哋係北京過，我喺香港過，原本諗住返去，但拍攝太緊密，唔緊要啦！」問到小朋友有沒有欣賞他的演出，他表示有，但囝囝聽不明廣東話，有叫太太迫囝囝睇當學廣東話。
吳若希在戲中跟「BB」關曜儁這對CP意外獲網民支持，但隨住劇情發展，趙浚承似乎將會介入他們的感情，有部份網民盼TVB不要夾硬安排二人在一起。趙浚承表示有看到這些留言，但自己睇完就算。他說：「嚟緊我係同佢會越嚟越多火花產生，由互相憎恨慢慢認同對方，惺惺相惜。（咁樣鋪排好TVB戀愛風格喎？）我未收到通知，唔知啊，睇吓大家想唔想啦。咩都有可能嘅，可能我同車婉婉呢！哈哈！」
