陳潔靈與葉麗儀完騷不久後，又上紅館演唱，笑言終於可以放肆吃喝玩樂。（娛樂組攝）
陳潔靈昨晚（2日）出席「香港同胞慶祝中華人民共和國成立七十七周年文藝晚會」演唱《今晚夜》及《白金升降機》。她指兩首歌都重新編排過，可以在這個場合唱好開心，「呢兩首歌都未試過喺紅館做！」由於上一個表演場館音響很出色，問到會否令紅館的音響被比下去，她說：「頭先個感覺好好，因為呢兩首歌好有能量！喺東九無咁strong 嘅feel，反而嚟到呢度就可以放開，呢度空間又大啲，去唔同嘅場地都會有唔同嘅表現！」
陳潔靈大讚MC成熟了不少。（娛樂組攝）
提到她請來Eason陳奕迅、容祖兒、蘇永康、MC張天賦等做嘉賓，她表示很開心，「其實今次請嘅嘉賓都係我想同佢哋合唱嘅，心願嚟嘅，當然仲有好多其他歌手！同埋同佢哋唱歌係特登編排嘅！其實我係Eason嘅fans，我估佢唔到拎啲黑膠碟出嚟！」她大讚MC張天賦聲線很好，自己沒有睇錯人，更指他成熟了不少。她笑謂現在終於可以放肆吃喝玩樂，可以喪食薯片、打邊爐、食大閘蟹。
談到葉麗儀坐骨神經痛，她表示有介紹推拿師，而葉麗儀的新抱也有幫手推拿。她說：「今次佢趕住返去澳洲都係要去處理佢條腰，最後嗰晚有埋日場、夜場，佢就有啲攰！」