George妹妹Venus很省鏡。
歐鎮灝（George）的26歲妹妹Venus（歐海琦），昨日（5日）出席香港首個萬聖節音樂嘉年華《SPOOKY Halloween》記者會。Venus表示會跟朋友在萬聖節 cosplay，曾經以牛仔造型示人，自己最想幫哥哥扮女仔。
George妹妹Venus出席活動。
她透露George最近比較忙，拍完《九龍城寨之終章》，之後又拍劇，少了時間見面。她指哥哥好捱得，要在電影中拍打戲，自己也有擔心他受傷，所以也有關心下。她說：「佢性格能屈能伸，同埋佢大隻咗好多！好多朋友見到佢話份量大咗好多。」
早前Venus為洪嘉豪的新歌拍MV擔任女主，拍攝得開心，「洪嘉豪好玩得，成個氛圍都好開心同輕鬆！」她指在fitting時，嘉豪跟她打招呼稱「我識你阿哥！」問到跟嘉豪合作如何，她指對方經常搞gag，「佢真係好風趣幽默，佢係成晚都好有趣！」她續指化妝set頭的工作人員對嘉豪的gag完全沒反應。問到洪嘉豪是否符合她的擇偶條件，Venus表示在MV中的角色是很有男朋友感。
