江美儀在戲中扮演吳卓羲母親，現實中僅大對方8歲。（娛樂組攝）
由張智霖、吳卓羲、張曦雯、高海寧等主演的《璀璨之城》即將播出。早前記招中陳煒與江美儀傍住「John哥」姜大衛出場，姜大衛已經非常有霸氣，問到他們的關係，江美儀表示跟姜大衛是「有佢冇我」的對立狀態，而劇中她將會扮演吳卓羲的母親，吳卓羲在訪問中指慘遭美儀姐糟躓對方。
她笑說：「千祈唔好咁講，我打過佢一次啫，佢爭啲碌落地。哈哈哈哈！」她續指在戲中所做的一切都是為吳卓羲好，而自己的角色非常憎張曦雯這個新抱。她說：「因為我覺得佢幫唔到我個仔手，所以我就成日打張曦雯，打咗好多次！我每一次都同佢講『唔好意思呀，唔好意思呀，有冇整親你呀？唔好意思。』工人又打，我根本喺呢套戲入面係個打女！」她又提到今次角色需要坐輪椅，以前也有類似演出，但今次就進步到是電動輪椅。
江美儀在戲中跟姜大衛是對立關係。（娛樂組攝）
江美儀跟吳卓羲多次合作，其中一次是在《名媛望族》中，吳卓羲飾演其情夫，但今次卻變成演母子。然而現實中她僅大吳卓羲8歲，她說：「我何德何能做佢阿媽！」陳煒聞言笑謂：「你話8歲生佢嘛。」江美儀說：「我係腹中腹，我一出世佢就出埋嚟。其實做演員，當係一個新嘅挑戰囉，如果出嚟係似嘅就好叻，唔似嘅都合理吖！」
她透露劇中的白髮造型是監製特別要求，相信是希望從外型入手，令觀眾覺得有些差距。她說：「講真一句我本身真係唔係大佢好多，可能有個白髮造型就會易啲入戲，形象會似啲。」
江美儀表示在戲中會不停打張曦雯。（娛樂組攝）
陳煒與江美儀保養得非常好。（娛樂組攝）