（左起）周家怡、金燕玲、陳湛文《媽樣年華》首映活動。
《媽樣年華》昨日（10日）舉行慈善首映活動，周家怡、金燕玲、陳湛文、楊雅文及張迪文一同亮相，任達華與林保怡亦有到場支持。戲中金燕玲是周家怡的媽咪，而周家怡與陳湛文扮演夫妻，周家怡需要在戲中玩鋼管舞。三人表示非常期待，家怡形容整個過程有血有淚，因為在練習鋼管舞時受傷，導致一度延期拍攝。
由於她早前又出現腰椎間盤問題，問到現在身體狀況如何，她說：「好番晒喇，老虎都打死幾隻。再唔係容易受傷的女人！」她表示之前食素「太求其」，導致身體缺乏蛋白質令肌肉不足才受傷。她表示在練習時受傷，於是要延期拍攝，「幾大壓力，因為要跳兩隻舞，但條肋骨又未得仲未上到pole，好大壓力！」
談到今次跟金燕玲飾演兩母女，家怡直言興奮到不得了：「我一知個下內心係Yes出嚟！以前金姐姐啲戲，我一見就喊，因為睇過唔少金姐姐嘅戲，佢永遠出親嚟都搞喊人，就算係客串都一樣，佢係一個好有感染力好強嘅演員，亦係全情投入個角色，周同佢合作係好舒服同開心。」金燕玲稱今次合作很舒服，並指終於有機會合作。
至於戲中的「女婿」陳湛文，金燕玲派高帽表示覺得要跟對方學嘢。她說：「因為我好少拍喜劇，個角色如果拿捏唔好就好易過火，個阿媽幾廿歲仲溝仔，驚唔討好。我希望係想做到個正面有喜感鼓勵個女。我係好緊張，驚做完人哋唔識笑。」她指很多時要靠對手帶領，很多謝陳湛文帶住喜劇節奏引領自己。
提到電影以鋼管舞做主題，問到金燕玲可有興趣試玩，她笑謂：「直情唔啱啦，根本就應該叫我去試，都唔俾機會我，嬲到依家！」身邊周家怡及陳湛文隨即問是不是真的要試，或可在謝票時試，金燕玲續指聽完周家怡的情況之後不敢去。她說：「大佬呀！又受傷又咩骨裂，都係唔好搞我喇！」她續問陳湛文有沒有試，陳湛文表示有，笑言感覺像馬騮。
