古淖文出席活動時，一提起紅館開騷，難掩興奮。（林俊源攝）
古淖文今日戴上貓耳朵出席「蘭桂坊怪物巡禮夜」，他透露過去萬聖節也有化下一些帶血造型的妝容。談到他日前宣布明年5月1日舉行首度個人紅館個人演唱會，亦是首位澳門人在紅館開個人演唱會。對上一次有澳門歌手到紅館開騷已經是2006年的樂隊Soler。他坦言很幸運，自己亦即將投入籌備工作，自己也開始在飲食上著手，笑謂生日也不敢太過放肆。
古淖文戴上貓耳朵出席「蘭桂坊怪物巡禮夜」，同場還有盛智文、七師傅、細貓應智越、伍富橋等。（林俊源攝）
他說：「因為主辦話要喺個show嗰度alarm呢件事，所以我就忍口唔講三個月，前幾日終於可以話俾大家聽有一個更大嘅project要做！」問到他如何得知消息，他稱之前要入紙申紙已經要簽名，及後主辦的鍾楚霖要他簽名時，自己也很疑惑，為何又要簽名，直至發現是簽署確認文件令他大為感動。
他說：「我記得嗰日係飲緊茶，咁佢就話10月有個期唱返一啲經典金曲，有大樂隊，咁小霖就無端端拎個公文袋出嚟，上面寫住重要文件四隻字，跟住就攞一疊嘢出嚟，總之就係話一啲申請嘅文件，你簽咗就得㗎啦！我嗰下就好感動啦！嗰種喜悦⋯⋯真係諗唔到有生之年，有機會上到紅館開騷show，唔係淨係話唱兩三隻咁。」
問到會否騷肌，古淖文說：「一定！許志安都練得一身好武功，冇理由我都唔做㗎嘛！（除衫呢？）Errr⋯⋯除哂丫？半身定點？（半身丫！）如果嗰個moment啱係OK嘅，但係要睇吓我身材練成點先，應該冇問題嘅！」他表示現在嚴格監控飲食，不能吃薯片、炸雞。
至於屆時會否請嘉賓，他表示要跟團隊商量，希望整個演出做到最好。他稱肥媽也是在上星期才知道，對方非常開心，自己也收到不少祝賀訊息。
古淖文對於獲批紅館檔期大為感動。（林俊源攝）