姜濤找數請小朋友食麥當勞。
早前播出的MIRROR團綜《MIRROR ACE》，節目組安排MIRROR到小學校園同小學生玩遊戲，MIRROR各人出盡招數搏取小朋友歡心，其中姜濤就被Stanley邱士縉笑「以本傷人」，出動美食誘惑：「有人主動肯俾心我嘅，每人lunch time一個漢堡包食！跟住我！跟住我！」日前姜濤出席活動時，表示不想被小朋友覺得他不守信用，於是託公司跟學校聯絡，更笑言很富有，決定請全校食麥當勞！
日前學校發文多謝姜濤的美意，寫道：「學們對於姜先生有意請全校食小食，深表感謝。唯不希望姜先生破費，所以意思意思，參加了遊戲的同學分享就好。」並貼出兩小朋友多謝姜濤的影片，他們開心說到：「姜叔叔，多謝你請我哋食健康嘅開心樂園餐呀！」
姜濤其後repost留言說：「我已經是叔叔了⋯⋯」適逢他出席麥當勞活動，他拍片說：「Hello大家好⋯⋯同學仔們你哋好，我係姜濤叔叔！希望你哋唔好唔記得姜濤叔叔已找咗數，希望永遠記得自己係濤team嘅人，記得我哋口號，係咩呀？媽咪！記得食完麥當勞之後，多啲聽爸爸媽媽嘅話！」
姜濤叔叔拍片表示已找數。