劉穎鏇跟朱敏瀚拍完劇，今次又做打女。（娛樂組攝）
劉穎鏇昨日為《善心滿載仁愛堂》擔任司儀，亦是她首次參這裏節目，心情頗緊張，但很多謝仁愛堂的信任。在後台所見，她與其他司儀在節目開始前努力夾稿，當中包括在台上說「黐線」一詞，也是一早設定好。她坦言已經有一段時間沒有見觀眾希望在未來的日子跟大家多些見面。
劉穎鏇回美國跟婆婆慶祝生日。 （娛樂組攝）
上月她飛回美國探親，她表示大部份親友都在當地。她說：「今次返去係同婆婆慶祝生日，已經嚟咗香港第10年，咁多年來都冇機會可以同佢慶祝到，所以今次好有意義！因為喺香港淨係得我同爹哋喺度，所有屋企人都喺晒美國，所以一請假第一時間就係返去嗰邊！每一次飛都係好珍貴嘅，能夠返到去都會返！」
她表示親友有播她的劇集讓婆婆看，「因為由細到大都係由婆婆湊大，成日一齊睇TVB劇集，而家可以拍返TVB劇俾佢睇，成件事係好得意！」她指自己的作品都是動作戲，所以家人很擔心她有沒有受傷。問到家人有沒有追問她感情狀況，她笑謂沒有。
劉穎鏇在節目開始前，跟朱凱婷、麥美恩、譚俊彥、丁子朗夾講稿。（娛樂組攝）
談到她成立個人品牌，她表示努力學習中，「呢個行業都唔容易，我都好勤力留意其他品牌點樣運作，因為係我自己諗埋marketing ！所以我都會諗拍啲乜嘢片、影啲乜嘢相好啲。我而家個品牌目的，都係以中性舒服為主，我哋有扮靚嘅時候，亦有舒服休閒嘅時候，我希望可以帶到一啲大家可以成日着，唔會睇厭，同埋可以keep得好耐，呢個係我最終嘅目標！」
在早前香港舉行的fashion week，她表示其品牌沒有參與，而自己年後有參與另一個時裝週活動，自己亦去了解不同品牌出發點，及其背後的故事，希望自己的品牌可以日後推出不同collection。問到掉幾多錢去搞生意，她說：「錢呢樣嘢就唔好講，哈哈！希望努力係大家見到，希望大家會鍾意呢件事！但個金額冇好誇張嘅，我係一個好安全嘅方法去進入呢個行業，用一個比較低成本方法去做，其實每個stage自己都有參與，希望樣樣都做好。
