盧巧音炮轟「周生」基本禮儀及尊重都沒有。
現年65歲、有「樂壇判官」之稱的周啟生，日前在社交網上載天后王菲的素顏照，相中王菲面部鬆弛，周啟生更聲稱：「我喺所有 po 出嚟嘅嘢上面都無任何立場，我甚至連呢個人係邊個都唔知。不過覺得幾特別，別無他意！」字裡行間表示認不出相中人就是王菲，其言論及舉動隨即在網上掀起討論。
周啟生表示不知道相中人是誰。
發文暗斥
向來性格直率敢言的盧巧音（Candy），日前在社交網寫下一句：「周生你都幾肉酸」網民都紛紛猜測她所指的是周啟生，不少人留言附和：「對住佢只能夠引用返佢嗰句蝦蝦大笑，一笑置之」。而相隔一晚後，Candy再次爆seed發文怒斥：「基本禮儀基本尊重都無，男人老狗做 D 咁 below quality 嘅嘢，邊個會尊重你。」
刪除帖文
其中有網民留言問她：「想知邊方面肉酸？」Candy 則表示：「方方面。」另有友人透露幾年前曾資助周啟生，Candy則謂：「嗰陣係幫其他樂手，都唔係淨係幫佢，自此之後就算 x 咗啦！」直至昨午，Candy卻突然刪除帖文，網民表示：「講事實，都唔使 delete」，Candy 亦隨即解釋：「No need to be occupied by him la.」
