吳卓羲(Ron)和張曦雯(Kelly)出席《璀璨之城》宣傳活動，為近日劇集的風波解畫。(蘇文傑攝)
TVB台慶劇《璀璨之城》自開播以來，話題不斷，先有吳卓羲(Ron)和張曦雯(Kelly)為宣傳傳緋聞，及其Kelly自爆曾拒絕一場除衫戲後，劇組停工期間，經袁詠儀及江美儀遊說後，決定除衫拍攝，事件引起軒然大波。Kelly和Ron與劇集演員包括陳瀅、江美儀、高海寧、龔慈恩、蔣祖曼、蔣家旻、黃子恆、孔德賢、馬海倫等，齊齊現身觀塘為劇集宣傳，兩人於活動後受訪，親自為拍除衫戲解畫。不過江美儀稱活動後有事，趕著離開，未有接受傳媒訪問。
張曦雯首先解釋當初拒拍的原因，「睇劇本係有猶豫，首先未演過呢個尺度，係性感嘅，所以say No。」她澄清沒有被臨時加性感戲，「其實劇本冇寫明着啲乜嘢，係我嘅幻想有出入，亦唔係臨場去傾，係拍之前幾日傾，當我同佢哋say No嘅時候，大家已經諗咗另外一個方案拍呢一場戲，點知過兩日真係停咗拍攝，唔係因為嗰場嘅關係，係種種因素要修改劇本，所以先暫停咗。」
Kelly強調沒有受壓，至於被袁詠儀和江美儀游說後答應照拍，她解釋之前因拍《模仿人生》與兩人成為好友，「佢地係好錫我好照顧我嘅前輩，其實由《模仿人生》開始到《璀璨之城》，無論係拍戲或我嘅心事，都成日搵佢地傾偈。」由於劇組停拍期間，修改劇本，「其實我再同佢哋傾，唔只係性唔性感，因為場戲有好多情緒，對我嘅角色好重要，其實我都有同佢地傾其他場口，只係收集意見後，自己衡量，覺得合理，加上停拍咗兩個月，大家演員溝通多咗，建立咗信任，基於種種原因，我覺得拍呢場戲係合理。」對於外界迴響甚大，張曦雯首先多謝大家關心，「但因為我講嘅說話傷害咗佢哋，我都好唔想。」
作為演員，吳卓羲認為每場戲都不能單一來看，「可能有呢場戲，後面嘅張力大啲。我覺得佢肯答應，當然係專業演員。」他又以自己作例子，重談當年與林峯拍《大唐雙龍傳》的露股戲，「無劇本，係當日衍生出嚟，我地都要守身如玉，但我同林峯聽咗個劇情，我地覺得係有用，亦都值得，所以就拍，我覺得係演員需要嘅嘢。」對於張智霖形容Kelly因陳瀅和陳曉華都有膽演出，基於「唔輸得」心態答應，Kelly就猛力搖頭，「No No No，一定唔關女演員鬥除衫事，唔淨係女演員，每個演員都會為角色做適合劇情嘅嘢，呢啲嘢無得鬥。」她指該場戲將劇集尾段才播出，從中反映角色遭遇悲慘，問到可擔心再被觀眾投訴，她自言也擔心不來。
早前Kelly與張智霖一同受訪時疑似爆粗，Chilam笑指Kelly從吳卓羲學識粗口，Ron即表態，「我覺得嗰句唔係粗口，你地唔講粗口咩。我覺得係香港人嘅文化，但唔應該咁講，俾小朋友睇到唔係幾好，但Chilam講粗口唔係我教。」Kelly亦幫口Ron澄清。Ron早前接受訪問自爆是原來他是吳氏家族在香港的唯一男丁，背負着傳宗接代的重大責任，問到訪問出街後，吳媽媽的反應，他笑言，母親投訴他經常在訪問唱衰她，故沒有看該訪問。問到可會接受「生仔不結婚」以及生仔計劃時，他就指「到時先回答」，拒絕交代感情狀況。
