高海寧(高Ling)昨日出席《璀璨之城》宣傳活動，與陳瀅親密抱抱，引來遐想。兩人在劇中演張智霖的太太和情婦，會否暗示關係曖昧，高Ling澄清，「大家get錯，因為女仔同女仔有好多唔同相處方式。」她直言兩人關係對立，一個為復仇，另一個則反抗豪門操控，「不過佢地低層都係做緊同一件事，向住同一方向，可能我令佢想起陳曉華嘅角色，有少少惺惺相惜。」談到陳瀅在劇中的全裸演出，引起廣泛討論，作為女演員，高海寧認為演大尺度性感場面，很視乎演員與導演的溝通，想呈現怎樣的效果。
對於劇中的短髮造型，被網中指跟「石內卜」相似，高海寧認為各人有不同睇法，但認為髮型與服飾都附合角色性格，「佢係一個乾淨俐落，非常專業嘅形象，雖然好多人話我長頭髮靚啲，但長頭髮唔屬於洪海允。佢開頭都著褲多，顏色以黑白灰為主，嫁咗多咗著裙，但顏色都一樣，想保持佢低調性格，雖然嫁入豪門，但鍾意精緻唔昂貴嘅嘢，佢有自己品味。」
