周秀娜跟AK在戲中有感情線發展。（娛樂組攝）
周秀娜、江爗生（AK）、鄧麗欣及栢天男出席電影《大分瓶》電影首映活動。AK帶病出席，他表示日前因發燒缺席叱咤頒獎禮，雖已退燒，但聲音狀態欠佳，憂影響明日（5日）演出。戲中娜姐有跟AK的咀戲，娜姐表示那是AK的電影初吻，「我都好緊張！我攞走咗佢嘅電影初吻，好大責任！我比佢更緊張，盡量快啲，唔好錫咁多次。同埋係我壁咚佢，佢緊張係好正常嘅！我哋拍之前都有溝通，導演都安排我哋拍一啲戲先，等大家熟絡下，有狀態去拍。我之前拍嘅都係成熟、有魅力嘅男士，好多謝導演安排AK俾我！後生！新鮮！」
AK就指好緊張，但自覺相比栢天男只是小兒科。他表示跟娜姐拍咀戲很緊張，但足以令一班兄弟羨慕。他說：「啲兄弟有恭喜我同娜姐拍咀戲，有說話俾我聽！但我真係第一次，拍咗幾takes，大家都專業完成。」
