伍詠薇、李凱賢(Brain@廿四味)主持的HOY節目《九運會客室2》，請來夏文汐擔任嘉賓。
由伍詠薇、李凱賢(Brain@廿四味)主持的HOY節目《九運會客室2》，節目來到第三星期，嘉賓爆料繼續掀起話題，今晚(9日)在YouTube上架的一集，請來資深藝人夏文汐擔任嘉賓，親爆歷年親自挑選電影男主角秘聞。
夏文汐自爆為電影《朝花夕拾》選男主角時，揀中方中信(原名符力)而令對方入行：「因為老闆同我講，要揀一個人做戲中男朋友，要搵返個有『feel』嘅，老闆畀咗三個男仔我揀，『符力』睇落去有型啲，咁我就揀佢。」她大讚對方有天份，更透露「藝名」亦是由她提議：「因小說及戲中主角名叫『方中信』，咁『符力』同我個名都係一樣咁老土，不如改做方中信，最終咪紅咗。」
大讚陳偉霆身材正
其後夏文汐心痕復出接拍伍健雄監製的電影《出軌的女人》，同樣親自參與挑選男主角。她透露當時與監製挑選了三、四個人選，包括關楚耀、周柏豪及陳偉霆。夏文汐笑言當時陳偉霆仍是新人且「比較得閒」，因此獲排在第一位見面，她更專程由上海返香港相約傾偈，隨即被對方的身型吸引，驚嘆：「喂，呢個人點解身材咁正嘅！」逗得同場的伍詠薇大笑附和。
