張家輝見到陳寶珠,即搞笑地追出呂奇的招牌動作,忚笑言事前問准可否調戲對方。(娛樂組攝)
出爐視帝張家輝從越南領獎回港後,昨晚首度出席公開活動動,現身尖沙咀與陳寶珠和谷德照主持亮燈儀式,家輝哥在一班跳《胡桃夾子》的可愛小朋友下陪伴登場,並分享童年時家姐扮聖誕老人送禮物的溫暖時光。從演36年的張家輝憑劇集《絕命法官》才首封視帝,他笑言,「係囉!喺亞視同TVB都未攞過!」他更笑言「喺邊度跌低?就喺邊度企返起身」,接著認真表示,「冇拍電視咁耐,再拍返一個我認為好有挑戰性嘅角色,又得到人認同,呢種開心係好爽嘅。」
家姐扮聖誕老人 暖心童年回憶
家輝自言在全年的日子中,特別喜愛盛載美好回憶的聖誕節,「我好細個候,當然未懂得呢個世界係冇聖誕老人,我姐姐……可能用咗佢好多錢,買一啲禮物,嗌我掛隻襪擺喺個窗度,話聖誕老人會俾禮物我。」當年天真的家輝一直以為收到聖誕老人的禮物:「我都俾佢呃咗好多年……嗰啲禮物,佢應該好困難先買到。」後來,家輝哥開始懷疑時,試過頂著眼瞓、攬著襪子為要親眼見「聖誕老人」,「但總能俾佢搵到機會、喺我頂唔順瞓咗覺嗰陣,將禮物擺喺隻襪裏面。」其後,他在台上接過聖誕老人的禮物,語帶感慨,「感覺就好似姐姐再送禮物畀我咁,佢實在俾咗太好嘅童年回憶畀我。」
最佳生日禮物
獲第31屆亞洲電視大獎(Asian Television Awards,ATA)於越南胡志明市舉行,家輝在出發的飛機航程中,才構思一篇簡單的英文致謝詞,「越南話就唔識,都係用番簡單嘅英文多謝大家。」談到出發往越南當天,他在《張家輝大娛樂騷》記者會上,拋出經典金句「仆你個街,亞視嚟嘅?」,接著就獲獎,他笑謂,「其實嗰句金句同我張家輝本人冇乜關係,係大家咁鍾意,我先順口講出嚟。我對亞視無偏見,好多謝嗰5年佢俾過我嘅訓練。」在亞視、無綫多年,首次奪視帝,對下月2日踏入62歲生日的家輝哥而言,是最佳的生日禮物,他坦言,「令我(籌備演唱會)如虎添翼。」不過問到如何慶祝時,他就表示放低個獎就投入《大娛樂騷》的特訓,甚至未有跟家人食飯慶祝。
閉關排練
談到籌備《大娛樂騷》的進度,家輝哥表示,「第一次接觸呢種大型舞台表演,已經開始第一日band Rehearsal,所有歌都夾下、練習下,跟住仲要攞啲Demo返特訓。」被問到可會唱改詞版《眼睛想旅行》,他語氣肯定回應,「呢啲咁低俗嘅嘢,我梗係唔會唱啦!」演唱會優先訂票已售罄,問到可會考慮加場時,家輝略顯猶豫,直言要應付跳舞唱歌並預備棟篤Talk,壓力甚大,已不敢想其他,「我都有啲驚,未試過吖嘛!練多啲就會信心大啲……」
拒學林峯玩凳
他更透露跳舞的比重不輕,「總之樣樣都有啲,如果我決定去做,一定唔會好馬虎好求其,正如當日Kelly(陳慧琳)演唱會,其實嗰隻舞我都上咗八堂,再自己練習,直至自己有信心上台,都係一段幾長嘅時間。」談到舞種和難度,家輝續說,「今次個show會將難度提高……」問到是型爆或性感舞姿,他笑謂,「啲動作係大啲、都有啲挑釁(挑逗),但肯定唔係林峯嗰隻(玩凳),都無女伴,總之動作好有型、好Unisex。」
回應劉華伊健做嘉賓
對於劉德華日前受訪時表明「隨時候命」做嘉賓,笑言可重現《黑馬王子》造型,他表示,「我梗係多謝華仔啦!佢唔係第一次支持我,例如《贖夢》佢都過嚟客串。如果佢肯嚟,我梗係多得佢唔少啦!(佢等你開口)我一定會啦!既然佢都幫我,我梗係唔怕醜啦!」
至於鄭伊健隔空回應他誤將陳小春的《戰無不勝》當成伊健作品,叮囑他「做下功課先」,家輝解釋是用心良苦搞氣氛,「我梗係會做足功課啦!我都想同伊健合唱下歌……」有記者建議屆時可翻唱《戰無不勝》,再笑指:「喺邊度跌低,就喺邊度企起番身!」家輝聞言點頭大笑。
聞謝霆鋒做英皇董事:好嘢呀!
此外,提到謝霆鋒及容祖兒加入英皇娛樂集團董事局,張家輝對於好友謝霆鋒「升呢」做董事,聞言即大讚「好嘢呀!」,問到會否洽談合作,他笑謂,「我邊有咁嘅能力呀大佬,但係都戥佢開心啦!」他透露兩人各有各忙,已有一段時間沒相約見面。


















