傅嘉莉回應掌摑戲時否認真打陳自瑤。 (娛樂組攝)
《萬千星輝賀台慶》明晚舉行,今日(18日)下午在TVB一廠舉行拜神儀式,由無綫集團有限公司行政主席許濤、總經理(商務營運)蕭世和、財務總裁李福來、助理總經理(新聞及資訊)袁志偉、助理總經理(藝員管理及發展)樂易玲、助理總經理(企業傳訊)黃德慧、副總裁(戲劇合拍)暨77工作室有限公司總裁鍾澍佳、非戲劇部總監(非戲劇)賴華民,以及大會司儀汪明荃率領共約60位,包括傅嘉莉、肥媽、羅子溢、張曦雯、洪永城、黃翠如、陸浩明、麥美恩、孔德賢、潘靜文等,場面熱鬧。
還原當日拍攝情況
傅嘉莉(Kelly)今日出席完台慶拜神儀式後受訪,談到熱播的台慶劇《玫瑰戰爭》,劇中她有一場掌摑陳自瑤(Yoyo)的戲碼,播出後卻引起討論,由於早前受訪時指被摑場面「巴巴都真打」,反觀傅嘉莉卻有另一版本,澄清拍攝該場掌摑戲前,她與陳自瑤、導演、監製均有充分溝通,自己作為出手一方也承受很大壓力,因為劇組每日拍攝場口極多,絕不能讓拍檔受傷,否則會影響拍攝進度,並稱:「唔通捅刀真係下下捅咩?」
傅嘉莉在訪問時略顯無奈,認為打人與被摑者在感受上難免存在差異,Kelly還原當日拍攝時情況:「我知道有啲唔需要嘅,其實就真係唔會,係需要嗰吓、可能真係好close up嗰個鏡頭,我就會同佢講:『我會攞手指,可能就會用返少少嘅力』,但之前嗰啲我都係掂住推佢嘅啫,如果下下啪落去佢會爆微絲血管。」回應陳自瑤說被「真打」,傅嘉莉答道:「可能佢好投入啦,所以感受咁樣。」兩人另有後樓梯及化妝間的爭執場面,Kelly形容似足跳一隻舞,需要雙方配合才呈現逼真效果:「我打過嚟,你也要做返少少動作,令到件事出到嚟好真,其實呢樣嘢先係叫考演技嘛!」鬧出掌摑羅生門,更惹來二人在鏡頭外的不和揣測,問到會否就事件與Yoyo私下溝通,Kelly顯得尷尬:「未有咁嘅機會喎…哈哈哈。」被記者追問跟Yoyo關係時,Kelly帶點猶豫:「都係拍戲囉。(係咪朋友?)吓?咁大家都係同事,係同事啦。」











