高海寧、馬國明及馬貫東玩《台慶喎!有嘢唔見咗!》環節,鬧出不少笑料。(蘇文傑攝)
《萬千星輝賀台慶》今晚在無綫電視城舉行,陳展鵬與鄭衍峰、林秀怡擔任第5部份台慶特別版《台慶喎!有嘢唔見咗!》環節,並安排「萬千隊」陳豪、譚俊彥、蕭正楠、張曦雯、龔嘉欣,以及「星輝隊」馬國明、羅子溢、高海寧、賴慰玲及馬貫東答問題。第一回合要從場景估出節目或劇集名字。
來到第二回合,兩隊需要估「咀戲對手」,正當鄭衍峰問誰沒拍過咀戲時,龔嘉欣爆料指陳豪最少拍咀戲:「佢唔拍咀戲㗎喇!」陳豪稱:「唔好咁講,等我話你知咀過邊個吖。」之後他不停作狀咀咪,未有數出曾咀過的對手。蕭正楠就表示自己咀過黃翠如與曹永廉,然而現實中他還咀過陳瀅、劉心悠、鍾嘉欣、吳若希等。
此外,當高海寧、馬國明負責答「咀戲對手」時,畫面出現《夫妻的博弈》二人咀戲的畫面,但圖中就未見馬國明,但馬國明一面天然呆似對相關場口沒有印象,就連陳展鵬也不禁問︰「你咀過邊個都唔知!」及後畫面再有馬國明咀戲的場口,但馬國明再次天然呆,完全沒有記憶一樣,反而在旁的高海寧、蕭正楠也認出相關場口是《衝上雲霄II》馬國明跟江美儀床戲場口。
最後陳豪成功代表「萬千隊」答終極問題,展鵬要他答出大合照少哪些台慶司儀,陳豪在眾人提水下才一一答出相關同事名字。至於問題中有陳瀅咀過的對手,但最後無人估中,展鵬等亦未有說出答案,令不少人好奇答案是誰。






















