苑瓊丹搞超市有米老公打本做生意

瓣數多多的苑瓊丹早前進軍飲食業，更宣佈將投資超級市場業務。日前店舖開幕，苑仔與其他股東出席開幕儀式，她更豪言視上市做目標，並希望每區都有開分店：「希望街坊慳到錢，我地又賺少少咁囉！如果有朝一日，可以過吓上市公司老闆癮，咁就一生無憾啦。」

苑仔笑言「越搞越大，多錢過我老公！」問到二人誰的身家較豐厚，她說︰「傻啦！我啲錢係我嘅私己，佢啲錢係賺嚟養我，所以永遠都係我贏晒。」她又指與老公數月不見也沒有所謂：「唔係我地感情有事，而係我哋生活習慣係咁嘛！之前冇疫情，去內地拍戲一走就幾個月啦，無信任維繫唔到嘅，所以呢年有疫情冇得離港開工，佢賺晒見我嘅時間，我當然要用佢啲錢去投資做吓生意啦。」