2025-06-04 12:44:28

17歲結他手Dale首拍美妝廣告照以獨立創作歌手身份進軍樂壇

17歲結他手Dale早前在謝霆鋒的啟德演唱會上一夜爆紅，除即獲大快活起用成全新廣告女主角之外，Dale近日更以獨立歌手身份強勢進軍樂壇，單曲《Speeding On My Own》的曲詞編監唱一手包辦，勢成為新生代最有才華音樂人！

Dale以天才女結他手姿態成為樂壇新偶像，她更獲邀親臨到希慎廣場DFS擔任特別嘉賓，拍下廣告硬照。Dale一抹在台上的搖滾帥氣形象，以一身驚喜純白仙氣造型示人，散發陣陣清純甜美的氣質，盡顯少女年輕活力。要兼顧學業、練習結他和演出的Dale拍攝時容光煥發，絲毫未流露疲態，被問到平時可有護膚秘訣？原來Dale從小開始就建立保養肌膚的習慣，最著重皮膚保濕和一定會搽防曬，她更透露：「現在出騷、拍廣告同出活動多咗，都會好注重外表同開始打扮，希望以最靚形象示人。今日嚟到希慎廣場DFS可以一次過滿足我買護膚品及化妝品嘅願望，輕鬆做個時間管理達人，仲可以幫媽咪入貨一齊扮靚！我自己比較喜歡化淡妝，自然胭脂膏同潤唇膏都係我每次化妝嘅必備恩物。」她亦希望未來可嘗試更多不同風格的妝容和造型，呈現更多面向給觀眾。Dale更即場享受面部按摩服務，獲Dale大讚超放鬆又舒服，笑言幫她緊緻臉部線條，輕鬆塑造V面！

拍MV熱到中暑

Dale亦提到首次為個人單曲《Speeding On My Own》拍MV感覺十分新鮮又興奮，她稱：「其實今次嘅攝製團隊只有4人，雖然係小本製作，但係花咗好多心思度橋同諗點樣實行。MV導演係我嘅小學同學，其餘都係我啲朋友仔，好多謝佢哋毫不猶豫應承同我一齊癲，過程中大家一齊玩都好開心！」而完美主義者的Dale更大爆今次拍MV於拍攝外景途中竟中暑，但仍頂硬上完成拍攝，表現十分專業：「MV入面有一段我要跑一條大路，但嗰日實在太熱，我跑跑吓嘅時候突然好頭暈，原來我係中暑！最後要喺路邊唞咗半個鐘先可以繼續，過程真係好辛苦，但係我都好享受！」人氣爆升的她更於拍攝途中偶遇粉絲，Dale 更笑說該名粉絲更一邊單手踩單車，一邊與她合照，場面搞笑；被問到未來何時再有演出，Dale就大賣關子說很快會在舞台上與大家見面。