花姐逼姜濤著白色泳褲

林家謙、姜濤、柳應廷(Jer)及Tyson Yoshi等，昨日出席《拉闊音樂會》記招，談到MIRROR、ERROR將在ViuTV的星級「港奧運動會」落水晒「鵰」，姜濤揚言怕著泳褲會被公司解約，他說：「我肯花姐都唔肯啦，花姐肯公司都唔肯，即時同我解約！」說到fans期待他的泳裝造型能夠解鎖，姜濤指身材不好不想露，在旁的經理人花姐突然幫口恐嚇姜濤：「點止著泳褲，仲要俾條白色你著！」姜濤笑說：「平腳就冇所謂，或者潛水衫游水都OK。」

提到網上社交平台有一個名為「我老婆嫁咗俾Mirror導致婚姻破裂關注組」，有不少丈夫痛斥「鏡嫂」惡行，如逼丈夫扮姜濤，或準備要另一半「上繳」消費劵5,000元，來買MIRROR相關的產品，Jer稱：「啲文未必係真實嘅，可能係網民創作嚟娛樂大家，大家當笑話一則聽啦。」不過Jer就奉勸「鏡嫂」，不要逼丈夫購買MIRROR產品。