張敬軒有感而發，自問淆底不敢參賽。
ViuTV選秀節目《全民造星III》自上周開播以來，話題不斷，連即將於本月22日踏上紅館開騷的張敬軒，也是節目的忠實擁躉，他昨晚看完節目後，有感而發，在社交平台撰長文，自問「堅係淆」不敢參賽。在昨晚播出的第7集中，兩位爭奪參賽的導師林二汶和彭秀慧，更是戰況激烈，彭秀慧因慢了撳燈，被二汶奪去「心頭好」而高呼：「X街！」
Manson高唱自己的作品，贏得全場掌聲。
Manson自彈自唱，多才多藝。
張敬軒於深宵以「長文慎入」為題，在社交平台抒發睇足7集《造星III》的感受，他形容「感覺同自己以前睇報紙嘅招聘求職版一樣。」他經常代入參賽者身份，自問自答，「如果換着係你，你有冇咁嘅勇氣？你做唔做得嚟？你會唔會做得比佢好？當你聽到評判同埋觀眾對你嘅評價嘅時候你會有咩感受？#我自己堅係淆 #所以俾個叻你哋」他又以過來人#oldseafood身份忠告，「齋係鍾意係唔夠。」不同形式的表演都是專業技藝，都必須反覆練習和鑽研，並要緊記一山還有一山高，「萬一就算你成功咗，都唔好覺得係老奉，記住永遠有比你更叻嘅人，永遠有比你更用功嘅人。」最後，軒仔鼓勵參賽者，無論成績如何，最重要是好好享受過程，利用這機會更深認識自己，讓自己成為更好的人，選一條更適合自己的路，不負青春。
林二汶搶先撳燈，擺出勝利姿態。
Manson面試時被花姐指貌似黃家駒。
早在面試階段，Manson已令花姐心心眼。
彭秀慧被林二汶搶去「心頭好」Manson，非常沮喪。
昨晚最矚目的參賽者是27歲的張進翹(Manson)，他被花姐指貌似黃家駒，令花姐、二汶和彭秀慧都「心心眼」，評判Eric Kwok則形容他是蔣志光與倫永亮混合體。查實Manson多才多藝，Saxophone、打鼓、長笛和結他等樣樣皆能，閒時最愛耕田，原來他曾患抑鬱症：「喺呢行其實都好唔安定，即係好唔穩定嘅感覺。做農夫嘅過程完全係改變咗好多嘢，我哋食嘅嘢，就算係一棵菜，都係要幾個月好辛苦咁樣去種番嚟。其實只要仲活着，已經冇嘢可以埋怨，更何況而家我仲有機會可以做自己鍾意嘅嘢，好感恩。」
最後他順利入圍，彭秀慧大讚Manson：「佢本身係一個有魅力嘅人，佢又有諗法，佢又有一個好獨特嘅性格。」不過，他被二汶搶先撳燈，未能將Manson據為己有，大受打擊，「「X街！得唔到佢，好大打擊。」事後，二汶更將她爆粗片段上載IG無限Loop，紀念這經典時刻。
在第一集被花姐勸退的魔術界KOL葉小妍，一開始就叫停表演要求重新再來，被淘汱出局又哭著苦求不肯離開。