Twins新歌《雙喜樓》賀22周年，二人為MV拍足21個鐘。
Twins於將明年一月舉行的《TWINS SPIRIT演唱會》最後加至十二場，打破自己出道以來的紀錄。22周年主題曲《雙喜樓》早前已推出，MV昨晚（21日）正式上架。
今次MV特別到台灣拍攝，導演找來曾為周杰倫、張惠妺、田馥甄拍MV的比爾賈操刀。這次快閃台灣，阿嬌坦言未出發先興奮，「好耐都冇去過台灣啦，所以有啲興奮，因為好掛住台灣嘅小食，不過時間有啲短，哈哈。」阿Sa則謂很久沒有拍自己歌的MV，「一聽呢首歌個demo，已經覺得好正、好係演唱會嗰種氣氛，同埋係好『Twins』」阿嬌也表示很久沒試過跳住舞拍MV，「今次特別請咗之前為綜藝節目《乘風破浪的姐姐》嘅舞台總監為我哋排舞，『姐姐』嘅感覺即刻返晒嚟。」
問到難忘及蝦碌事，阿Sa謂這個MV拍了二十一個小時，笑言：「拍到人都癲！」而阿嬌則被香檳噴中眼睛，「最尾開香檳嘅時候成支香檳噴咗落塊面度，我係完全開唔到眼，可能大家留心啲睇嘅話就會見到我隻眼係開唔到，哈哈。」
ADVERTISEMENT
送QOLLABS美顏益生菌膠原蛋白粉（高效版）
