香港大部分家庭都有聘用工人姐姐，由於工人的質素參差，不少媽媽經常在網上大吐苦水。葉翠翠17年誕下大仔之後，翌年再誕次子，最近又宣布懷上第三胎，於是翠翠聘請兩位菲傭幫手照顧小朋友及處理家務，然而就發生不愉快經歷。她在網上貼出兩位工人的照片及證件，揚言不想有第二個家庭受害。
翠翠的工人在網上抹黑。
翠翠稱︰「現在的工人真係好差！！本來已不打算公開！但這兩個菲律賓工人逐個粉絲發訊息，實在忍無可忍！」從她上載的照片見到，其中一位工人姐姐在網上指翠翠是一個自私醜惡的婊子，認為沒有工人可以忍受她差劣的態度。提到兩位菲傭的工作表現，她說︰「做左24日博炒，話自己唔會做嘢，叫我炒佢，仲要我補一個月。當我地香港顧住(僱主)係傻仔。當日請咗兩個菲律賓工人，來到發現原來從未試過工作，菲律賓agent 講大話 (香港agent不知情)，工人講大話，而且發現係兩姊妹。先後大大聲話唔再工作，叫我炒佢，一個做左24日，另一個做左1個月另9日(9月2剛離職)。兩個都係講明要我炒佢，補錢！」
翠翠的Facebook上載了工人姐姐的照片。
翠翠又指兩位菲傭表示要到菲律賓領事館投訴她，她說︰「我一啲都唔驚，我跟足勞工法例做，agent去到領事館，都係個賓妹輸咗！Interview講得清清楚楚有兩個仔，年齡，全部講清楚，但係來到之後兩個都話唔想照顧。」她又列出菲傭的惡行︰「搣我細仔，BB水壺/水杯從來唔洗，抹碗布和地布夾在一齊，士多啤梨唔洗比小王子食，打開雪櫃自己煲雞湯飲，種種惡行不能盡錄，看盡人性醜惡。今次公開，係不想有第二個家庭受害，我都已經去信入境處。另外一個離職時我仲有報警求助。希望大家都小心。」她稱今次是第一次請菲律賓工人，以為請人可以幫自己，但「點知係害自己。」