林子善與太太Kary於17年結婚，今年7月在社交平台宣布將有新家庭成員加入。昨日林子善在社交平台上載在產房門外等候的短片，留言道︰「加油，大乖乖小乖乖，大家一齊集氣。」
及至今日凌晨，林子善在上載B女的照片，留言大讚太太犀利，在冇麻醉的過程下順利分娩，前後只需50分鐘。他說︰「媽咪超級無敵勁...冇麻醉順產分娩。極速0至10度50分鐘小乖乖出世，由懷孕都出世成個過程歷歷在目，長大後可以唔錫爸爸但一定要錫媽咪 #母愛真偉大 #超乎常人。」不少圈中好友及網上都留言送上祝福，大讚Kary好叻女。
榮升做老竇的子善說道︰「未能回覆各位，再次多謝咁多位嘅擔心，母女平安。超能老婆50分鐘內完成整個分娩過程，去到最後話唔用無痛分娩，當堂眼都凸埋出嚟。母親嘅偉大令到我變成豬頭，哭成涙人，多謝咁多位嘅集氣。東區醫院嘅助產士同姑娘嘅專業，我終於睇到，亦多謝羅醫生一直支持太太順產。」
立即更新/下載AM730手機APP 體驗升級功能
