60歲鄭子誠拍廣告飾演多角考演技 家中四隻愛犬成強心最大動力

有「TVB御用奸人」之稱的鄭子誠，去年正式「登六」，對於如何保持心臟健康，比起以往更加高度關注，他表示：「其實香港心臟病已經有年輕化跡象，身邊都有朋友要做心臟搭橋或者通波仔手術，而家同朋友出嚟聚會，唔再係風花雪月，而係互相交流健康嘅資訊，究竟食咩補充劑，可以強化心臟健康。」 

鄭子誠日前獲邀請擔任「強心血樂通」代言人，並以「心血劇場」的表達手法，在廣告中帶出不同的情況下，心臟未老先衰的警號。鄭子誠要一人分飾多角，讓他進一步了解更多心臟問題的同時，也相當考演技，他表示：「今次拍嘅廣告好特別，係以劇場形式表達，要一人分飾多角，仲要配合一個大銀幕，去做出唔同表情、動作，同以往拍嘅廣告，坐喺度講一大堆對白，完全唔同，構思好有『心』。」 除此之外，導演知道鄭子誠是愛犬之人，專登帶家中愛犬前來探班，他開心表示：「平日我除咗會打網球鍛煉身體，我屋企有四隻狗，可以話對我幫助好大，因為同佢哋去街、去玩，當去做運動，令我有更大嘅動力。」稍後鄭子誠將會投入新劇拍攝，工作時間日夜顛倒在所難免，他謂希望到時仍然可以兼顧到電台的工作。