吳鎮宇、袁詠儀、張達明、林雪等，前晚於廣州出席《家和萬事驚》的首映禮，眾人在席上大談拍攝此劇時的趣事，吳鎮宇、袁詠儀更現場揮毫潑墨書寫春聯，隨後，在手寫家書環節，二人更選用特定詞語，為家人送出祝福；張達明指，多謝參演的朋友，幫他完成多年心願。
吳鎮宇表示，在過去一年裡，其子費曼花了自己很多錢，他說：「我個仔使咗我好多錢，新一年希望佢一夜暴富，早日搵到嘢做。」即引來全場大笑。而袁詠儀則表示，「希望我老公張智霖可以暴瘦20磅，咁我就財色兼收。」
邱禮濤：居住問題一直存在
問到導演邱禮濤，為何選擇將此舞台劇搬上大銀幕，他說：「雖然齣舞台劇係好多年前創作嘅劇本，不過劇本中提到居住環境嘅問題，就一直都存在，從未解決，希望影片上映後，問題可以受到更多關注。」張達明稱，能夠將《家和萬事驚》拍成電影，已經還願，他說：「《家和萬事驚》個劇本，係我自己最鍾意嘅一齣舞台劇，他咁多年嚟都想將齣劇變成電影，俾更多人睇到，呢次佢哋一齊幫我完成心願。」