遲足大半年王梓軒出黑膠碟一波三折

王梓軒昨日(14日)推出《Crossing過去。現在。未來》雙黑膠碟，一個月更搞了網上試聽會，兩場一百個名額，不少粉絲大叫好聽，並立即買下。今次梓軒推出黑膠碟，學會了不少東西，就連揀歌方面也別具心思。不過，這次黑膠碟的問世過程，可謂一波三折。

梓軒說︰「今次出雙黑膠碟，係紀念同歌迷過去嘅十年，首先要同歌迷講『好抱歉！』，因為delay咗好耐，上年12月嘅演唱會已經有預售，本身諗住隔一、兩個月就推出，但疫情關係delay咗。黑膠碟我唔係喺香港印，要攞去英國印，我重新做混音，一邊英國，一邊美國，要同佢哋兩邊溝通，印刷同運輸所有嘢都delay，第一批包裝仲要出咗問題，為咗做到最好，令大家覺得物超所值同有紀念價值，我哋用咗半年搞番掂至推出。」