升呢做奶奶梁詠琪重現《嚦咕嚦咕新年財》經典場口

大家還記得梁詠琪(Gigi)在《嚦咕嚦咕新年財》的新抱仔嗎? 事隔多年，Gigi終於升呢做奶奶！首次接拍醫學美容廣告的Gigi，重現經典電影畫面，搞笑演繹打麻雀挑機3位「準新抱」。

Gigi話︰「由新抱仔變奶奶原來仲好玩，最緊要大家睇得開心，我又可以搞笑發揮演技，其實我平時真係唔打麻雀，當日埋位拍攝，連邊個方向摸牌都唔記得，要在場工作人員教我，好在拍咗陣，開始有番啲記憶，總算拍得似模似樣，哈哈！」

廣告片尾，Gigi更大放「彩蛋」，挑戰高難度急口令，像財經節目主播讀免責聲明般，Gigi在10秒內讀出八十多個字，最終她竟然1 take過完成。「我網上都有睇過財經主播條片，15秒讀出139個字，真係好犀利，因為要專注咬字、發音、速度，我重複再重複試咗好多次先敢埋位，最後成功10秒讀晒冇錯，大家都開心到拍晒手掌好興奮。」Gigi說。