留在上海兩個多月備戰舞台音樂劇《愛在星光里》的Jocelyn陳明憙，上周該劇終於正式公演。首次踏足舞台，Jocelyn獲不少前輩遠道從不同地方飛來上海力撐，包括梁詠琪、陳曉東、許茹芸、唱片監製葉澍暉等等，有份在台下欣賞《愛在星光里》的Gigi，更被故事感動得當場落淚。
「同少琪識咗好多年，睇住佢兩年前構思呢個音樂劇，見到佢一步一步行到今日正式公演，真係好感動，而且Jocelyn演得好好，睇得出佢下咗唔少功夫。」Gigi說。完成了四場的演出，Jocelyn坦言還有很多不足之處需要改善，她說：「我對自己會有要求，希望一場比一場演得更加好、更加放，最開心係參與今次音樂劇，過程學咗好多嘢，對我日後嘅音樂事業會有一定幫助，再加上戲裡面我飾演嘅角色馬琳，對愛情好盲目，某程度同我對愛情的態度好相似，所以演出時份外投入。」
ADVERTISEMENT
送QOLLABS美顏益生菌膠原蛋白粉（高效版）
