吳彥祖、王千源和衛詩雅等，前晚於江門出席電影開鏡儀式，吳彥祖表示，感覺拍完美劇後知名度提升，他說：「因為電影組好多人睇美劇，多咗一啲白人、黑人影迷，佢哋唔係覺得我靚仔，而係覺得我係動作演員。」相隔兩年重返中國拍電影，吳彥祖指，是被好劇本吸引，而且想支持新導演，他續說：「之前睇過王千源嘅戲，覺得佢好有男子氣概，今次合作好開心。」網傳該片將有謝霆鋒參演，吳彥祖就回應指暫未收到消息。
吳彥祖透露，今次角色造型很特別，他很喜歡，因要留長頭髮。
早前在社交媒體表示，想髮量回到16歲般，吳彥祖笑說：「覺得有啲甩頭髮，老啦。」他坦言拍戲會很想念家人：「我比較惡，不過囡囡見到我會好開心。」問到可會再追生小孩，他笑指擔心體力不足：「我都44歲，因為我爸爸45歲生我，好多事唔可以陪我做，我覺得一個女就夠啦。」
ADVERTISEMENT
送QOLLABS美顏益生菌膠原蛋白粉（高效版）
