艷福唔易享謝賢拍戲俾新人蝦

由彭浩翔執導的賀歲片《恭喜八婆》，除了找來梁詠琪、梁洛施、陳靜、谷祖琳、陳逸寧等人參演之外，四哥謝賢早前亦都加入劇組拍攝。彭浩翔悉心安排五大美女梁洛施、陳靜、陳逸寧、林兆霞、郭奕芯與四哥同場對戲，認為好艷福。

問到四哥可有欺負新人？四哥：「我已經有兩、三年冇拍嘢，世界變喇，佢哋蝦我就差唔多，而家調返轉頭要向班新人學習，導演佢哋都話拍得好開心，希望有機會可以再合作。」被問到跟彭浩翔合作有何感受？四哥：「佢哋都係我嘅後輩，我都唔敢評論啲咩，我而家聽哂佢哋話。」

同日，梁洛施（Isabella）也於一片歡笑聲中煞科，片中一班姊妹陳靜、陳逸寧、林兆霞也表示不捨，紛紛與她合照作告別。Isabella表示：「好唔捨得咁快拍完，多謝彭浩翔導演俾機會我參與呢部咁開心嘅賀歲片，最緊要農曆新年大家都睇得開心！」