幫胡定欣物色對象胡杏兒去馬代努力造人

胡杏兒與胡定欣孖公仔一齊出席活動，提到黃智雯成雙料視后，她們都替好姊妹高興，定欣更希望智雯於12月再下一城，又大讚杏兒事業家庭兩得意，杏兒聞言笑說︰「你都好，好快。」

「我成日都幫佢留意，就連坐飛機嘅時候都有留意，睇下人哋有冇戴戒指，我見個男仔幾好咁。不過見對方睇電視，自己又累就算。」問到是否又再有喜，杏兒說有好消息會通知大家，又坦言馬爾代夫此行，也有努力造人，她說︰「個環境咁靚，梗係有啦!」定欣即說︰「咁一定會成功!」