黎瑞恩殺入10強網民︰真係一人有一個夢想

《叱咤樂壇頒獎禮》每年讓網民投票選心目中的男、女歌手及組合獎項，繼古天樂殺入10強、坤哥選情告急後，昨日10強名單又有新走勢。男歌手方面，謝霆鋒趕走周柏豪入圍；女歌手方面，黎瑞恩入圍，而方皓玟就跌出10強名單。對於黎瑞恩忽然打入10強，令不少網民大感驚訝，留言稱︰「黎瑞恩都入到，咁幾時輪到李香琴？」、「估唔到黎瑞恩都有人幫佢咁做，真係一人有一個夢想」。