陳寶珠唔知家燕姐拍拖︰佢有男友咩？

陳寶珠及余文樂今日出席慈善活動，樂仔笑言今年聖誕節不再做工作狂，「我依家唔會咁搏，以前唔知乜係聖誕節。」又指囝囝非常愛黐著他。提到早前他生病一事，樂仔避談病因，只謂積勞成疾，現在食藥慢慢調理。

提到家燕姐個唱開鑼在即，陳寶珠表示最近與七公主忙為家燕姐的個唱排舞，她指屆時眾人會大跳十字步及大唱《莫負青春》，一齊跳《情花開》。她又指性感舞衣要留給有本錢的家燕著，被問有否見過家燕姐男友？寶珠姐驚訝反問說：「佢有男友咩？我冇見過喎!佢冇帶我見過，咁神秘？我估佢都唔會嚟探班啦，唔會俾我哋見到，又或者嚟咗我唔知。」