累薛家燕入醫院張智霖有陰影

張智霖為《薛家燕愛你無限60年》演唱會進行彩排，張智霖稱，與薛家燕拍劇時已結緣，所以對方開騷一定力撐，仲練了「十字步」以備不時之需，張智霖說：「我已經拉定筋，隨時準備好！不過我同家燕姐唱歌就好夾，跳舞就真係唔多夾，記得上一次同佢拍劇，因為跳一小段舞，搞到佢整親要入醫院，呢個成為我童年陰影。」薛家燕聞言即笑到合不攏咀。