郭奕芯首拍廣告感興奮挑戰大熱天時著冬天衫

郭奕芯 (Ashina)，最近夥拍《全民造星2》十強參賽者歐鎮灝 (George) 為悠閒服裝品牌拍攝秋冬造型照。二人均是首次參與廣告工作，從未試過拍攝廣告的Ashina坦言十分開心。

她說：「過去從未試過全日影相影咁多個鐘，今次要著冬天衫喺室外拍攝，雖然熱但都OK，因為拍攝進度好快，整個工作好快就完成，而且大熱天時著冬天衫其實都幾好玩。」最近才簽約ViuTV的George演出經驗不多，今次與Ashina的合作對他來說也很新鮮，說：「過去只拍過《造星2》，今次算是比較特別嘅體驗，而且有一定難度，因為我係第一次為咗工作拍攝情侶照，過程有啲緊張，又表現得有啲怕醜同尷尬，因為我好少咁樣同女仔影相。」