獲李丞責封女神伍詠薇快精神分裂

伍詠薇、堪輿學家李丞責，昨日為一起主持的新玄學節目宣傳。二人首次合作，李丞責稱，是他要求節目組找伍詠薇做拍檔，他說：「我細細個讀書時，已經視伍姑娘為女神，有首歌叫《失樂園》，係草蜢唱嘅，我想見女神時就會睇呢個MV。」伍詠薇笑說：「你鍾意睇我著少啲布嘅衫。」李丞責回應：「當時我年紀小，冇注意你著啲咩衫。」

難得與李丞責見面，伍詠薇即席邀請對方為自己算命，李丞責說：「就嚟中秋節，就用切月餅嘅方法嚟占卜。」伍詠薇即切開一個月餅，兩個蛋黃很圓，李丞責批她將來事業運非常非常的好。伍詠薇除主持新節目，還拍攝了新劇：「整個9月都要工作，就嚟精神分裂，劇集嗰邊我負責一個單元，總共兩集，因為係悲情戲，有一啲難度。」伍詠薇又稱，今次與很久沒有合作的契細佬陳山聰一起拍劇，特別開心。