樊沛珈與朋友投資的美容院，開業逾3年近日突然宣布已退出公司業務。
有「黑面女神」之稱的ViuTV藝人樊沛珈（Ah Gi），昨日突然在IG限時動態急發聲明，表示跟友人創辦的美容院已經與她再無關係，突然退股即引起揣測。
做過紋身師
Ah Gi從2022年4月起，已跟圈外朋友投資美容店，開業逾3年，她昨日在story寫：「本人已於早前正式退出《銀幸の美學》股東職務，現與品牌營運無關。感謝過去合作與支持，祝品牌未來發展順利。」對此，《am730》記者向Ah Gi查詢，她否認跟其他股東是不歡而散，並以短訊回覆稱：「都有唔少朋友關心我問發生咩事，覺得我退出好突然，但其實我4月已經離開咗《銀幸の美學》股東一職，不過一直未同大家講，大家唔使擔心，唔係鬧交，我哋幾位股東有開過幾次會，傾完覺得大家未來方向未必一樣，所以我最後決定退出，如果嚟緊有新搞作一定會同大家講，順帶一提，因為而家冇咗美容院股東呢個身份，如果有客戶想搵我做有關美容工作，我都好歡迎，多謝大家繼續支持！」Ah Gi曾活躍於網絡短片平台啱Channel，由網紅轉型以主持、演員姿態發展，又做過紋身師、為獨立樂隊「鬥牛梗」擔任結他手，現為MakerVille合約藝人。
