神徒一早到達等教主現身，尖沙咀碼頭一遍粉紅海。
盧瀚霆(Anson Lo)30歲生日，其國際後援會繼日前舉行5,000神徒生日派對後，今日(7月)繼續慶生活動。Anson Lo早前預告今晚在尖沙咀天星碼頭有驚喜，大批神徒無懼酷熱高溫，穿上粉紅服飾一早到碼頭對開的LED大電視霸位，期間不時唱《Hey Hey OK﹗》。踏正晚上7時，教主現身大電視向神徒表達謝意兼唱生日歌，令神徒超驚喜又感動。影片播放後，近4,000神徒齊齊唱生日歌互相祝賀，場面震撼。
教主飛吻 神徒興奮
Anson Lo在影片表示：「Hello！各位神徒BB們大家好，我係盧瀚霆(Anson Lo)。生日快樂，唱首生日歌俾大家聽先。我不嬲都講過，我嘅生日就等如大家嘅生日，咁祝你哋生日快樂，最緊要身體健康、青春常駐，同埋開開心心最緊要！希望你哋有一個難忘嘅生日，我知道你地做咗好多打卡和其他不同嘅慶祝活動，無論任何形式嘅慶祝和支持，對我嚟說都好重要。你哋每一位對我都係好重要，希望你哋玩得開心、小心，互相照顧！我哋繼續喺呢個里程碑上互相愛護大家，大家互相支持和正能量，You Back me up, we back it up together！I Love You！」片尾Anson Lo向fans送上飛吻。
另外，九龍塘又一城的《Anson Lo & Sontos-Together We Glow Popup Store》，Pop-up Store在本月11日結束，大家要爭取最後打卡機會。
ADVERTISEMENT
20周年「全城撐本地消費3重大激賞」！ 即睇活動詳情！
